Covid-19 ka infektuar Repartin e Karantinës në qytetin e Beratit. Situata paraqitet e rënduar ku brenda repartit të Karantinës një infermiere është konfirmuar si e infektuar me COVID-19. Mes mjekëve dhe infermierëve paniku është rikthyer.
Si pasojë e infektimit të mjekëve dhe infermierëve spitali është me staf të reduktuar dhe ka mbingarkesë pacientësh të sëmurë, duke krijuar kështu një kolaps.
Reparti i Karantinës në Berat bën me dije se prej disa muajsh kanë qendruar në shërbim të pacientëve me COVID-19, duke mos shkuar në banesat e tyre. Tanimë pritet që të bëhet karantinimi i të gjithë mjekëve dhe infermierëve të këtij reparti, për të parë nëse ka të tjerë të infektuar.
Po ashtu burime brenda spitalit kanë bërë të ditur se janë 34 pacientë të infektuar me COVID, dhe një staf prej 12 mjekësh, infermierësh e punonjës sanitarë.
