JOQ Albania
App Store
SHKARKO
Home
JOQ Albania

SONDAZHI/ Ish-këshilltari i PD zv/ministër në qeverinë e Ramës, 86% e votuesve: PD dhe PS bashkëpunojnë në kurriz të popullit!
Shkruar nga: N Hoxha | Publikuar më: 12/11/2020 23:21

  • Share
  • Share
  • Share
  • Share

Ditën e djeshme ish-funksionari i PD Besart Kadia, u emërua zv/ministër i Financave në qeverinë e Ramës. Ky emërim erdhi pas largimit të zv/ministres së Financave Belinda Ikonomi më 21 tetor për arsye personale. Por më herët Kadia ishte pjesë e PD-së dhe u prezantua nga Lulzim Basha si një nga prurjet e reja të partisë. Në vijim Kadia ka mbajtur postin e sekretarit për sipërmarrjen në Partinë Demokratike. Lidhjet e Besart Kadisë me PD janë më të hershme, pasi babai i tij, Ilir Kadia ka qenë këshilltari për mediat i ish-kryeministrit Berisha.

Ndërkohë, prej vitesh në popull qarkullon ideja se partitë politike në Shqipëri vetëm sa aktrojnë para ekraneve dhe se gjithmonë kanë bashkëpunuar me njëra-tjetrën. Dhe humbësi në këtë mes ka qenë pikërisht populli i thjeshtë, pasi është prodhuar një sistem i cili i ngjan një rrethi vicioz, ku dy partitë kryesore vetëm sa kanë ndërruar pushtetin gjatë 30 viteve të tranzicionit. Për pasojë nuk ka patur një rotacion të njëmendtë politik.

Lidhur me këtë çështje dhe me lëvizjen e e papritur të ish-funksionarit të PD-së ditën e djeshme, JOQ Albania krijoi një sondazh.

Pyetja e shtruar ishte kjo:

Sot u mësua se një ish-këshilltar i PD që gjithmonë kritikonte qeverinë, u emërua si zv. ministër i Ekonomisë nga Rama. A bashkëpunojnë PD-PS në kurriz të popullit?

86% e qytetarëve u shprehën se dy partitë kryesore në vend bashkëpunojnë me njëra-tjetrën në kurriz të qytetarëve; ndërsa 14% e votuesve nuk mendojnë se bëhet një bashkëpunim i tillë.