Ndërsa vendi ynë po përballet me një situatë kritike sa i përket pandemisë së koronavirusit, qeveria ka marrë disa masa të reja. Kujtojmë se që prej 15 tetorit ka hyrë në fuqi Akti Normativ i cili e bën të detyrueshme mbajtjen e maskës në ambiente publike. Por megjithëkëtë, numri i rasteve të reja ka qenë mjaft i lartë ditët e fundit. Për këtë arsye ditën e djeshme u njoftuan masa shtesë me qëllim parandalimin e përhapjes së virusit. Komiteti i Ekspertëve vendosi që nga dita e mërkurë të kufizohet lëvizja e njerëzve në fashën orare nga ora 22:00 deri në 06:00, me përjashtim të emergjencave shëndetësore apo nevojave të domosdoshme.
Kujtojmë se në Shqipëri aktualisht janë në fuqi disa masa, si mësimi online në universitetet e vendit, ndalimi i grumbullimeve masive në aktivitetet kulturore dhe sportive etje. Ndërkohë ditën e sotme u njoftuan edhe masat ndëshkuese për qytetarët që nuk binden, të cilat përfshijnë nga gjoba në vlerë 10 mijë lekë të reja, heqjen e patentave, e deri në burgimin e tyre. Në lidhje me këtë vendim, JOQ Albania krijoi një sondazh.
Pyetja e shtruar ishte kjo:
Nga rezultati i votimit u pa që 56% e qytetarëve nuk janë dakord, ndërsa 44% e tyre u shprehën pro një mase të tillë.
