Ditët e fundit Shqipëria ka patur një rritje të lartë të rasteve të reja me koronavirus, ku numri i të infektuarve ka qenë në mënyrë konstante mbi 200, madje ka kapur edhe shifrën mbi 300. Ndërkohë për këtë shkak, qeveria ka ndërmarrë masa shtesë këtë të enjte duke urdhëruar mbylljen e universiteteve, të cilët sipas njoftimeve, ishin planifikuar të hapeshin më 2 nëntor. Por, kjo gjë ka shkaktuar pakënaqësi tek studentët, të cilët kanë paralajmëruar edhe një protestë ditën e hënë në orën 10:00 para Ministrisë së Arsimit. Ata nuk janë dakord me vendimin e Komitetit të Ekspertëve për të zhvilluar mësimin online.
Një studente u shpreh:
Vendimi ka irrituar më tepër studentët e rretheve, të cilët kishin bërë gati çdo gjë për të ardhur në Tiranë me studime, ndërsa tani do të duhet të rikthehen përsëri në banesat e tyre. Për më tepër, vendimi ka ardhur pas mbledhjes së tarifave për vitin shkollor. Lidhur me këtë çështje JOQ Albania krijoi një sondazh.
Pyetja e shtruar ishte:
Nga votimi i qytetarëve vihet re se 91% e tyre u shprehën se, po, kjo është një tallje e qeverisë me studentët; ndërsa vetëm një pakicë prej 9% nuk mendojnë se ky veprim është një tallje e hapur.
