JOQ Albania
App Store
SHKARKO
Home
JOQ Albania

SONDAZHI/ 88% e votuesve: Ofendimi i Lleshit ndaj policëve është i turpshëm
Shkruar nga: N Hoxha | Publikuar më: 30/10/2020 23:24

  • Share
  • Share
  • Share
  • Share

Ditën e djeshme u zhvillua një debat i ashpër mes ministrit të Brendshëm Sandër Lleshi dhe deputetit Myslim Murizi. Shkak për ndezjen e debatit u bënë deklaratat e Murrizit se policia po keqpërdoret në rastin e kontrolleve për vendosjen e maskës nga ana e qytetarëve, në një kohë kur ato falen pak më vonë nga vetë Rama. Ndërkohë, në replikën e tij Lleshi përdori fjalën “polic”, me një konotacion pezhorativ ndaj deputetit Murrizi. Por, teksa donte të ofendonte deputetin Murrizi, ai në fakt ka ofenduar të gjithë vartësit e tij nga foltorja e Kuvendit të Republikës.

Replika e Lleshit:

Nuk dua të jem i ngjashëm me ty, polic ke qenë dhe polic ke mbetur, mos kujto se do fitosh pikë përballë Policisë, je polic ke qenë polic, dhe ke dështuar në Policinë financiare, harroje intimidimin ndaj policisë, zbato ligjin se përballë ligjit je askushi. Po rri mor ti, mos u mundo të trashësh zërin, se e ke të vështirë me mua, ti nuk e di se nga jam unë more.

Lidhur me këtë deklaratë, JOQ Albania krijoi një sondazh.

Pyetja që u shtrua ishte:

Sot (29.10.2020) Sandër Lleshi, ofendoi të gjithë policët shqiptarë nga salla e Kuvendit. A mendoni se kjo është e trupshme?

Nga votimi i qytetarëve u vërejt se 88% e tyre u shprehën se kjo është një deklaratë fyese dhe e turpshme, ndërsa 12% mendojnë se deklarata nuk është e tillë.