JOQ Albania
App Store
SHKARKO
Home
JOQ Albania

SONDAZHI/ 89% e votuesve: Erion Veliaj ka përgjegjësi për kaosin e paprecedent të trafikut në Tiranë
Shkruar nga: N Hoxha | Publikuar më: 27/10/2020 23:26

  • Share
  • Share
  • Share
  • Share

Ditën e djeshme, ish-Sheshi “Shqiponja” u bllokua dhe u devijua kalimi për automjetet, pasi vijojnë akoma punimet. Por kjo gjë shkaktoi një trafik të rënduar që në orët e para të mëngjesit. Edhe pse janë disa rrugë dytësore për të hyrë apo dalë nga Tirana, lëvizja e shtuar e makinave ka shkaktuar një kaos të vërtetë. Sipas drejtuesve të Policisë Rrugore dhe ARRSH, mësohet se zona e Doganës do të mbetet e bllokuar për katër muajt e ardhshëm, kur punimet pritet të mbarojnë krejtësisht.

Qytetarët që vijnë nga jugu do të përdorin Rrugën e Elbasanit për të hyrë në Tiranë, ndërsa ata që vijnë nga Kavaja dhe nga Durrësi do të përdorin rrugën e vjetër të Ndroqit. Ndërsa në rrugën e Doganës do të kenë mundësi kalimi vetëm ambulancat. Kujtojmë se prej kohësh ndërtimi i Unazës së Madhe ishte shndërruar në një stres dhe 'tmerr' të vërtetë për shoferët, pasi bllokohej kryesisht në mëngjes dhe mbrëmje, por edhe gjatë ditës. Lidhur me situatën kaotike dhe trafikun e rënduar JOQ Albania krijoi një sondazh, ideja e të cilit ishte të kuptohej mendimi i qytetarëve në lidhje me përgjegjësinë e kryebashkiakut Erion Veliaj.

Pyetja e shtruar ishte:

A ka përgjegjësi Erion Veliaj për kaosin e paprecedent të trafikut të krijuar sot ( 26.10,2020) në Tiranë?

Nga rezultati i votimit vihet re se 89% e qytetarëve u shpehën se Erion Vleiaj ka përgjegjësi pë gjendjen e krijuar, ndërsa një pakicë prej 11% votuan për të kundërtën.