JOQ Albania
App Store
SHKARKO
Home
JOQ Albania

SONDAZHI/ 90% e votuesve: SPAK është i blerë nga politika
Shkruar nga: N Hoxha | Publikuar më: 24/10/2020 23:25

  • Share
  • Share
  • Share
  • Share

Të gjithë i kanë kthyer sytë nga SPAK, si struktura e re e cila do vendosë drejtësi dhe do luftojë korrupsionin në vend. SPAK është shkurtimi për "Struktura e Posaçme kundër Korrupsionit dhe Krimit të Organizuar” dhe përbëhet nga Prokuroria e Posaçme si dhe Njësia e Posaçme Hetimore me emrin “Byroja Kombëtare e Hetimit”, BKH apo e njohur ndryshe "FBI-ja" shqiptare. SPAK do të hetojë dhe gjykojë të gjitha veprat penale dhe akuzat për korrupsion ndaj ish-pushtetarëve dhe atyre aktualë, duke filluar nga viti 1990 dhe në vijim.

Kujtojmë se Reforma në Drejtësi është një nga kërkesat kryesore të BE për të bindur vendet e tij anëtare skeptike për të qenë pro hapjes së negociatave të anëtarësimit për Shqipërinë në samitin e BE dhe Ballkanit Perëndimor. Por që nga krijimi i kësaj strukture, ka patur dyshime nëse është e pavarur apo e kapur nga politika. Në lidhje me këtë çështje JOQ Albania krijoi një sondazh.

Pyetja që shtrohej ishte:

A mendoni se SPAK është i blerë nga politika?

Nga votimi rezulton se 90% e qytetarëve u shprehën se SPAK është i blerë nga politika, ndërsa vetëm një pakicë prej 10% votuan se nuk është i blerë dhe se do vendosë drejtësi në vend. Shifrat tregojnë se qytetarët nuk kanë besim edhe te kjo strukturë dhe mendojnë se është thjesht loja politike e radhës.