Kryeministri Edi Rama ka provokuar sërish me veshjen e tij teksa ka zhvilluar takimin zyrtar me ministrin e Punëve të Jashtme të Greqisë, Nikos Dendias. Para dy ditësh ministri i Jashtëm grek vizitoi Shqipërinë, ku fokus i takimit ishte çështja e shumëpërfolur e kufirit në detin Jon. Rezultati i diskutimit ishte vendimi që çështja t'i dërgohet Gjykatës së Hagës. Ndërkohë, gjatë takimit një detaj u vu re në veshjen e kryeministrit Rama. Ai kishte vënë në kollaren e tij një yll pesë cepësh, simbol i Partisë së Punës dhe i komunizmit. Ky veprim i tij u komentua gjatë në mediat dhe rrjetet sociale dhe aludimet ishin nga më të ndryshmet. Por shumë njerëz binin dakord se ky është një simbol i komunizmit dhe diktaturës.
Lidhur me këtë, JOQ Albania krijoi një sondazh.
Pyetja që shtrohej ishte kjo:
Duke nënkuptuar pra me këtë pyetje që përveç veprimeve konkrete, ku shpeshherë kryeministri tenton të shfaqë një lloj autoritarizmi, ai nuk ngurron gjithashtu të bëjë edhe veprime simbolike, siç ishte vendosja e yllit 5 cepësh. A ishte provokim, a ishte një strategji për të tërhequr vëmendjen nga problemet reale të vendit, apo kështu mund të jetë e vërteta, këtë nuk mund ta themi me siguri.
Ama, 83% e qytetarëve votuan në lidhje me pyetjen e sondazhit se Rama po e rikthen komunizmin në vend, ndërsa vetëm një pakicë prej 17% e tyre u shprehën për të kundërtën.
