JOQ Albania
App Store
SHKARKO
Home
JOQ Albania

SONDAZHI/ Disa qytetarë dhe policë e mbajnë maskën poshtë hundës, 86% e votuesve: Gjobat janë të pakuptimta!
Shkruar nga: N Hoxha | Publikuar më: 21/10/2020 1:40

  • Share
  • Share
  • Share
  • Share

Po mbushet gati një javë që nga hyrja në fuqi e Aktit Normativ i cili e bën të detyrueshme mbajtjen e maskës në ambiente të hapura dhe në rrugë. Megjithatë vendimi i qeverisë shkaktoi debate të shumta ndërmjet ekspertëve dhe pakënaqësi te qytetarët. Kjo pasi mosmbajtja e maskës shoqërohet me gjobë 30 mijë lekë të vjetra, e cila rëndon edhe më tepër situatën ekonomike të shumë shqiptarëve të papunë. Por ajo çka është vënë re ka të bëjë me sjelljen e disa qytetarëve, përfshirë edhe policët, të cilët shpeshherë janë parë duke e mbajtur maskën poshtë hundës dhe mjekrës. Në këto kushte, natyrshëm shtrohet pyetja nëse ka kuptim gjobitja dhe ndëshkimi i qytetarëve.

Për këtë çështje JOQ Albania krijoi një sondazh.

Pyetja që shtrohej ishte:

Në një kohë kur pjesa dërrmuese e shqiptarëve, përfshirë edhe policët, e mbajnë maskën poshtë hundës apo mjekrës, a ka kuptim gjobitja?

86% e votusve u shprehën se kjo gjë është e pakuptimtë, ndërsa vetëm një pakicë e tyre prej 14% votuan se gjobitja ka kuptim. Gjithsesi debati vazhdon, po ashtu edhe aksioni policor për ndëshkimin e të pabindurve!