Prej datës 15 e tetor e në vazhdim, qytetarët shqiptarë do jenë të detyruar të dalin me maska mbrojtëse nga shtëpia. Vendimi u mor me anë të miratimit të një Akti Normativ nga ana qeverisë. Por kjo gjë shkaktoi debate dhe diskutime të shumta ndërmjet ekspertëve dhe në mesin e qytetarëve. Madje disa prej këtyre të fundit ranë nën 'kthetrat' e policëve dhe u gjobitën me shumën 30 mijë lekë të vjetra, pasi u kapën pa maska. Ndërkohë diçka që u vu re, ishte fakti se vetëm një ditë para se të hynte në fuqi Akti Normativ, Ministria e Shëndetësisë alarmoi qytetarët duke dhënë lajmin se numri i të infektuarve me koronavirus kishte arritur rekordin që nga fillimi i pandemisë në vendin tonë. Gjithsesi kjo u pa me dyshim nga qytetarët, pasi u mor si një strategji që i paraprinte vendosjes së ligjit të ri për maskat.
Lidhur me këtë çështje JOQ Albania krijoi një sondazh me pyetjen:
87% e votuesve u shprehën se shifrat nuk janë reale, ndërsa vetëm një pjesë e vogël e tyre prej 13% votuan se shifrat janë reale dhe i besojnë qeverisë.
