JOQ Albania
App Store
SHKARKO
Home
JOQ Albania

SONDAZHI/ Maskat Covid-19, kush ka më shumë të drejtë Rama apo Trump? 85% e votuesve: Trump!
Shkruar nga: N Hoxha | Publikuar më: 14/10/2020 23:59

  • Share
  • Share
  • Share
  • Share

Lajmi për infektimin me Covid të presidentit të SHBA, Donald Trump, mori një vëmendje të gjerë në mediat mbarëbotërore. Por ai u shërua shpejt, gjë që shkaktoi habi dhe spekulime të shumta. Trump u rikthye në fushatë dhe me një gjest simbolik me anë të të cilit donte të tregonte se e kishte mposhtur koronën, e hodhi maskën drejt turmës dhe tha se nuk kishte nevojë për të. Kreu i Shtëpisë së Bardhë e quajti pandeminë një “festë” dhe e shpalli veten si imun ndaj koronavirusit. Po ashtu, Trump nuk nguroi të thoshte se do të puthte të gjithë pjesëtarët të pranishëm në tubim.

Ai tha:

E kalova, tani më thonë që jam imun. Ndihem kaq i fuqishëm, do të eci përmes audinencës. Do t’i puth të gjithë në audiencë. Do t’i puth djemtë dhe vajzat e bukura, të gjithë, do u jap një puthje të madhe.

Ndërkohë, e kundërta ka ndodhur në vendin tonë, ku kryeministri Rama ka vendosur që të gjithë njerëzit të mbajnë maska në rrugë. Vendimi hyn në fuqi ditën e enjte 15 tetor. Në rast shkeljeje të urdhrit do të ketë dhe sanksione përkatëse, fillimisht 3 mijë lekë nëse kapeni pa maskë dhe 5 mijë lekë gjobë në rast se e përsëritni. Ky vendim ka qenë tema kryesore e diskutimeve ndërmjet ekspertëve në vend, ku shumica janë shprehur se mbajtja e maskave në rrugë nuk është efikase.

Në lidhje me çështjen JOQ Albania krijoi një sondazh me pyetjen:

Ndërkohë që Rama vendos që të gjithë të mbajnë maska në rrugë, Donald Trump e hodhi maskën në mënyrë demonstrative në një mjedis të hapur. Cili prej tyre ka të drejtë?

Nga rezultati i votimit u vu re se shumica e qytetarëve prej 85% u shprehën se Trump ka të drejtë, ndërsa vetëm një pjesë prej 15% i dhanë të drejtë Ramës.

Kujtojmë se ditën e nesërme në orën 18:00 do të mbahet një protestë para kryeministrisë sa i përket vendimit të marrë nga qeveria.