SONDAZHI/ A besoni se Basha do ta ndjekë vërtetë penalisht Ramën nëse fiton zgjedhjet? 74% e votuesve: “Jo”

Kriminaliteti në vend vijon të jetë në nivele të larta. Ndër qytetet që është prekur më shumë kohët e fundit nga ky fenomen është Elbasani. Ndërkohë gjatë një inspektimi nga afër të gjendjes së bizneseve, kreu i PD-së Lulzim Basha u shpreh se nëse vjen në pushtet, puna e parë që do të bëjë do të jetë shkëputja e lidhjes mes krimit dhe politikës.

Ai tha:

Situata e krimit në Elbasan është rënduar për shkak të bashkëpunimit të krimit me pushtetin. Atë që kemi thënë 7 vite nuk ka njeri në Elbasan që nuk e ka kuptuar se ishte e vërtetë. Zgjidhja është shkëputja e lidhjeve të krimit me pushtetin, dhe ky është një nga zotimet e mia të para dhe kjo do të jetë padiskutim një nga arritjet e mia të para për qytetin e Elbasanit dhe për gjithë Shqipërinë.

Kreu i PD-së, Lulzim Basha gjithashtu e ka ftuar në debat Ramën, porse ky i fundit refuzon prej vitesh të debatojë me të. Lidhur me deklaratën e kryedemokratit ndaj Ramës dhe goditjes së krimit nëse ai merr drejtimin e vendit, JOQ Albania krijoi një sondazh.

Pyetja e shtruar ishte:

Basha u shpreh se Edi Rama do të ndiqet penalisht. A besoni se Basha do ta ndjekë vërtetë penalisht Ramën nëse fiton zgjedhjet?

Nga votimi rezulton se 74% e qytetarëve mendojnë se ai nuk do ta ndjekë penalisht Ramën, ndërsa vetëm një pjesë prej 26% u shprehën se Basha do ta bëjë një gjë të tillë.