JOQ Albania
App Store
SHKARKO
Home
JOQ Albania

SONDAZHI/ A duhet të lejohet hapja e klubeve të natës dhe lejimi i muzikës? 66% e votuesve: “Po”
Shkruar nga: N Hoxha | Publikuar më: 30/09/2020 23:31

  • Share
  • Share
  • Share
  • Share

Pak ditë më parë ministrja e Shëndetësisë dhe Mbrojtjes Sociale, Ogerta Manastirliu lajmëroi se Komiteti Teknik i Ekspertëve ka miratuar protokollet e sigurisë për hapjen e bareve, restoranteve dhe pishinave në ambientet e mbyllura duke filluar që nga 1 tetori. Ndërkohë do të vijojnë të mbeten të mbyllura sipas Aktit Normativ, të gjitha klubet e natës, lounge-baret, pub-et dhe diskot.

Ajo u shpreh:

Në vijim të Paketës së Masave, Komiteti Teknik i Ekspertëve ka miratuar Protokollet e posatshme të sigurisë për rihapjen nga data 1 tetor, të restoranteve dhe bareve në ambiente të mbyllura si dhe të pishinave në ambiente të mbyllura, ku distancimi fizik, higjiena dhe mbajtja e maskës nga stafet që shërbejnë është e detyrueshme në çdo subjekt.

Ministrja ka theksuar gjithashtu se zbatimi i masave për parandalimin e koronavirusit do të inspektohet nga autoritetet dhe në rast të shkeljes së protokolleve do të ndërmarren masa ndëshkuese. Kujtojmë se shumë artistë janë prekur rëndë nga kufizimet për shkak të pandemisë dhe po shkojnë drejt falimentit. Kjo pasi shteti nuk i ka përkrahur dhe i ka lënë në harresë. Lidhur me këtë çështje JOQ Albania krijoi një sondazh.

Pyetja e shtruar ishte:

Sipas mendimit tuaj, a duhet të lejohet hapja e klubeve të natës dhe lejimi i muzikës?

Nga votimi i qytetarëve rezultoi se 66% e tyre u shprehën se duhet të hapen, ndërsa 34% nuk ishin dakord. Gjithsesi mbetet për t'u parë se si do të shkojë situata dhe çfarë do të bëhet për ta mbajtur nën kontroll atë.