JOQ Albania
App Store
SHKARKO
Home
JOQ Albania

SONDAZHI/ Reshje dhe stuhi, a mendoni se do të përmbytemi si çdo herë? 89% e votuesve: “Po”
Shkruar nga: N Hoxha | Publikuar më: 27/09/2020 0:15

  • Share
  • Share
  • Share
  • Share

Gjatë dekadave të kaluara, Shqipëria është goditur mesatarisht thuajse nga një fatkeqësi natyrore në vit, të cilat kryesisht kanë të bëjnë me përmbytjet. Së fundmi vendi ynë është përfshirë nga një mot i keq dhe me reshje këto ditë. Sipas parashikimeve pritet që ditën e nesërme reshjet të intesifikohen edhe më shumë. Sot u shënua sasia më e madhe e shiut me 40 milimetra në qytetin e Shkodrës. Sipas parashikimeve të bëra nga sinoptikanët, qytetet më të prekura pritet të jenë Shkodra, Tropoja, Lezha, Tirana, Saranda dhe Gjirokastra.

Kjo gjë përveçse një këmbanë alarmi për marrjen e masave në mënyrë urgjente, ka rritur frikën dhe panikun tek qytetarët në lidhje me efektivitetin e qeverisë për të përballuar përmbytjet e mundshme. Zona më e rrezikuar parashikohet të jetë Shkodra ku reshjet mund të shkojnë deri 160 milimetra. Çdo vit gjatë reshjeve përmbyten shumë zona në vend dhe situata ka vazhduar të përsëritet po njëlloj, paçka premtimeve të bëra nga ana e qeverisë për përmirësimin e kanalizimeve dhe infrastrukturës. Lidhur me frikën e zakonshme tashmë nga përmbytjet, JOQ Albania krijoi një sondazh.

Pyetja e shtruar ishte:

Këto dy ditë parashikohen stuhi dhe reshje në Shqipëri. A mendoni se do të përmbytemi si çdo herë?

Në rezultatin përfundimtar u pa se 89% e votuesve mendojnë se vendi do të përmbytet njëlloj siç ka ndodhur çdo vit, ndërsa vetëm një pjesë prej 11% mendojnë se Rama ka marrë masa për të përballuar situatën.