Teksa vjeshta ka nisur, shirat e parë sollën përmbytje të rrugëve në disa qytete të Shqipërisë. Një breshër i pazakontë ra në Konispol, i cili dëmtoi pemët frutore në këtë zonë. Mandarinat ranë përtokë duke shkaktuar dëme ekonomike për banorët. Ndërkohë disa rrugë në qytetin e Durrësit u përmbytën nga shirat e mëngjesit. Makinat kanë pasur vështirësi në qarkullim, ndërsa bizneset që ndodhen në katin e parë u përballën me ujërat që vinin nga rrugët, duke i depërtuar brenda dhe shkaktuar dëme të konsiderueshme.
Gjithashtu edhe në Lezhë reshjet e dendura të shiut krijuan probleme në bllokun e banimit nga "11Janari" deri në lagjen "Besëlidhja". Uji vërshoi në mënyrë të menjëhershme duke krijuar vështirësi në lëvizje. Ndërsa në Lushnje reshjet e dendura të shiut zgjatën rreth 10 minuta dhe sollën përmbytjen e rrugëve në këtë qytet. Kjo gjë shkaktoi kaos dhe radhë të gjata në lëvizjen e automjeteve. Duke parë gjithë këto probleme, ku në vetëm pak minuta reshje shiu shumica e qyteteve të Shqipërisë përmbyten, natyrshëm lind pyetja nëse qeveria po bën mjaftueshëm në lidhje me infrastrukturën urbane.
Apo po abuzohet me tenderat për ndërtimin e rrugëve dhe kanalizimeve? Lidhur me këtë çështje JOQ Albania krijoi një sondazh.
Pyetja e shtruar ishte:
Nga votimi rezultoi se pjesa dërrmuese prej 93% mendojnë se shteti po vjedh dhe po abuzon me tenderat për infrstrukturën dhe ndërtimin e rrugëve dhe kanalizimeve urbane. Ndërsa vetëm një pjesë prej 7% nuk mendojnë kështu.
