Pak ditë më parë publikuam një lajm ku Taulant Balla u pa të festonte postin e ministrit të Brendshëm duke thyer 30 shishe shampanjë në një nga klubet e oligarkëve. Mesa duket ai mezi po pret që të marrë postin. Ministri Sandër Lleshi ka dhënë deklarata konfuze, fillimisht ai u shpreh se do të largohej, më pas tha se do të mbajë të njëjtin post në qeveria fiton zgjedhjet e ardhshme. Gjithsesi, fjalët që nuk është i përjetshëm, Lleshi i ka përmendur shumë herë. Pra Tao ka arsye për të pritur. Por natyrshëm mund të pyesim se çfarë do të jetë në gjendje të bëjë ai si ministër?
Do kemi një shtim të gafave gjatë fjalimeve të tij karakteristike, apo dëshira për para dhe luks do ia errësojë sytë edhe më tepër? Çfarë do të bëjë ai kundër krimit në vend? Masakra që ai i ka shkaktuar pyjeve të Librazhdit është shumë e rëndë, pasojat e së cilës do të vuhen nga brezat pasardhës, por edhe nga bota e egër. Në lidhje me postin e tij si ministër i Brendshëm JOQ Albania krijoi një sondazh, me përmbajtje ironie dhe alegorie, pasi pyetja konsistonte në atë se kush do të ishtë në gjendje ta bënte më mirë detyrën si ministër i Brendshëm, Ariu i Librazhdit apo Taulant Balla?
Duke aluduar kështu në faktin e krimeve mjedisore që ka shkaktuar Balla në pyjet e Librazhdit.
Pyetja e shtruar ishte:
Ajo çka u vu re, ishte përqindja e madhe prej 93% e votuesve të cilët u shprehën se Ariu do ta kryente më mirë detyrën; ndërsa 7 % u shprehën pro Ballës.
