“Çmenduria” e Dritan Lelit, 1.2 miliardë lekë për të ruajtur objektet e Bashkisë Vlorë

Shkruar nga: M Gjini | Publikuar më: 27.07.2020, 22:34

O Leli, po si shumë qenkan vëlla? 1.2 miliardë lekë për të ruajtur me roje objektet e Bashkisë Vlorë? Edhe me flori të ishin veshur rojet, prapë do të kushtonin më pak. E pra, kjo është situata në Shqipëri. Mjafton çfarëdolloj “sebepi” dhe miliardat “fluturojnë në ajër” sikur i merr era.

Në rastin konkret skandali merr përmasa më të mëdha. Kjo sepse ligjërisht, përkatesisht me Vendimin Nr. 177 datë 04.04.2019 të Këshillit të Ministrave është krijuar shoqëria shtetërore “Illyrian Guard” Sh.a. e cila do të ofrojë shërbimin e ruajtjes dhe sigurimit për të gjitha institucionet dhe shërbimet publike, që kanë në administrim objekte shtetërore.

Sipas parashikimeve të pikës 10 të kësaj VKM-je, të gjitha institucionet dhe subjektet publike të cilat kanë në administrim objekte shtetërore, ruajtja dhe sigurimi i të cilave duhet të realizohet nga shërbime të specializuara për këtë qëllim, duhet t’i drejtohen me kërkesë shoqërisë “Illyrian Guard” Sh.a. për të marrë shërbimin e ruajtjes dhe sigurisë fizike. Pra me ligj, Dritan Leli dhe Bashkia Vlorë janë të detyruar që të përdorin këtë shoqëri në pronësi shtetërore për të ruajtur objektet në fjalë.

Mirëpo VKM-ja, si për ta ditur se politikanët duhet t’i fusin ca miliarda në xhep, ka parashikuar një pikë, përkatësisht pikën 11, sipas të cilës nëse shoqëria “Illyrian Guard” Sh.a. merr vendim për pamundësinë e ofrimit të shërbimit të kërkuar, institucionet dhe subjektet publike mund ta sigurojnë këtë shërbim duke u drejtuar në kompani të tjera private.

Dhe çuditërisht ka ndodhur pikërisht kështu. Bashkia Vlorë i ka kërkuar kësaj shoqërie për të përfituar shërbimin e ruajtjes dhe sigurisë fizike ndërkohë që kjo e fundit i është përgjigjur se nuk e merr përsipër ofrimin e këtij shërbimi deri në datë 10.09.2020. Në këto kushte Dritan Leli nuk ka pritur më gjatë dhe ka shpallur procedurën e prokurimit me referencë REF-59708-06-03-2020 dhe me objekt ”Ruajtja e objekteve të Bashkisë Vlorë” Marrëveshje Kuadër – me një operator ekonomik ku të gjitha kushtet janë të përcaktuara – me afat 36 muaj.

Normalisht ka garuar vetëm një operator dhe sigurisht ka fituar. Tenderi ka vlerën e rreth 1.2 miliardë lekë të vjetra me TVSH dhe fitues është shpallur bashkimi i operatorëve ekonomikë “F.P.M” & ”ELEKTROSEK” shpk, me pronarë përkatësisht Barjam Ruka dhe Ilir Mane.

Mirëpo ndonëse shoqëria shtetërore “Illyrian Guard” Sh.a. deklaronte se nuk mund ta ofronte shërbimin deri në 10.09.2020, ky fakt nuk e ka penguar Dritan lelin që tenderin me fitues dy kompanitë e mësipërme, ta organizojë për plot 3 vjet. Ka lezet, apo jo?

PERSONAZHI I VITIT 2021
KLIKO PËR TË VOTUAR
  • Elvis Naçi
    Drejtuesi i Fondacionit "Firdeus", i njohur si mirëbërësi i shqiptarëve të varfër me punën e tij të palodhshme. Banesat që po ndërtohen për të prekurit nga tërmeti, nga fondacioni i tij janë drejt fundit.
    Arjan Sala
    Heroi i Heshtur! Security i një qendre tregtare, i cili dha jetën mes flakëve për të shpëtuar punonjësit që ishin bllokuar nga zjarri në magazinë.
    Edi Rama
    Kryeministri unik, që shpiku skemën e patronazhistëve duke përgjuar shqiptarët dhe pavarësisht kësaj ata i dhanë edhe mandatin e tretë.
    Lulzim Basha
    Kreu i PD-së, rekordmen për qëndrimin në opozitë dhe guximtar për ‘vrasjen’ e babit të tij politik, Sali Berisha.
    Sali Berisha
    Ish-kryeministri i Shqipërisë dhe ish-kreu i PD-së, i cili, pavrësisht se u shpall “Non-grata” nga SHBA dhe u përjashtua nga PD, arriti të mblidhte Kuvendin Kombëtar të partisë që themeloi dhe e rithemeloi me një pjesëmarrje masive.
    Marin Mema
    Gazetari, i cili u angazhua në rindërtimin e banesave të rrënuara nga tërmeti dhe arriti të dorëzonte brenda disa muajsh çelsat tek qytetarët.
    Altin Goxhaj
    Avokati i njohur në Shqipëri, i cili ngre gjithnjë zërin publikisht ndaj shkeljes të së drejtave të qytetarëve të thjeshtë nga shteti.
    Klodian Elqeni
    I riu, i cili shkelmoi shoferin e çmendur që hyri me makinë në sheshin Skënderbej duke i rrezikuar jetën qytetarëve. Ai fluturoi mbi dritaren e makinës duke neutralizuar agresorin.
    Armando Broja
    Futbollisti i Kombëtares Shqiptare që po shkëlqen në kampionatin anglez. Performancë fantastike edhe me Kombëtaren shqiptare.
    Distria Krasniqi dhe Nora Gjakova
    Dy xhudistet nga Kosova që fituan medalje të artë në Lojërat Olimpike në Tokyo.
    Albin Kurti
    Kryeministri i Republikës së Kosovës, i cili fitoi zgjedhjet sërish dhe arriti të krijojë qeverinë e re në Kosovë.
    Lylzim Sulejmani
    Shqiptari nga Presheva, i cili arriti të shpëtonte 7 shqiptarë të Maqedonisë së Veriut nga autobusi, që shpërtheu në flakë në Bullgari.
Më të Lexuarat
Shkarkoni aplikacionin JOQ ALBANIA në platformat
Më të fundit