Qeveria Rama është kthyer në objekt kritikash nga qytetarët shqiptarë dhe nga opozita e vendit.
Ligji për amnistinë fiskale që kryeministri Rama pritet të miratojë prek interesat e popullatës për llogari të krimit të organizuar dhe pushtetit të tij personal.
Sipas këtij ligji çdo i huaj që ka një biznes në Shqipëri mund të deklarojë dhe të ligjërojë paratë e tij pa u pyetur për burimin e tyre dhe një mundësi e tillë “hap portat” e krimit në vendin tonë.
Projekti i radhës nga Rama e kthen vendin në parajsën e krimit financiar ndërkombëtar dhe madje në vendstrehim për persona që financojnë aktivitete terroriste, dhe sigurisht mbyll dyert dhe shpresën për integrim në BE.
Sipas këtij ligji të ri për amnistinë fiskale, të gjithë anëtarëve të organizatave kriminale brenda dhe jashtë vendit iu sigurohet paprekshmëri dhe legalizim i pasurisë dhe do jetë një opsion shtesë për pastrim parash përmes “aktivieteteve”.
Ky projekt favorizon politikanët, një numër të lartë zyrtarësh dhe sigurisht trafikantët e drogës.
Lidhur me këtë ligj që pritet të miratohet së shpejti JOQ Albania organizoi një sondazh.
Pyetja e shtruar ishte:
Dhe sigurisht 81% e shqiptarëve janë përgjigjur me po ndërsa pjesa tjetër janë pro miratimit. Kujtojmë se përmes ligjit të ri për amnistinë fiskale do të mjaftonte që i afërmi i një politikani të mos jetë në çertifikatën e tij familjare dhe për pasurinë e tij eventualisht të paligjshme, bëhet mburojë amnistia fiskale.
