Nëse qytetarëve shqiptarë do t'u kërkohej të përzgjidhnin dy ndër figurat kryesore të politikës aktuale shqiptare që janë më të urryera, shumica dërrmuese e tyre, pa asnjë hezitim, do të zgjidhnin kryeministrin Edi Rama dhe kryebashkiakun e Tiranës, Erion Veliaj.
Edi Rama, i cili do të mbahet mend si kryeministri i cili falë qeverisjes së tij bëri që qindra mijë shqiptarë të largohen jashtë vendit, pasi shpresat e tyre u vranë nga politikbërja e "Rilindjes". Po ashtu, Rama do të kujtohet gjatë në memorien e shqiptarëve si kryeministri i cili e çoi vendin drejt një krize të thellë ekonomike, duke bërë që jetesa në vend të bëhet gjithnjë e më e vështirë, duke u thelluar hendeku midis të varfërve dhe të pasurve.
Si kryerilindas, Edi Rama urrehet nga populli shqiptar edhe për skandalet e panumërta të qeverisë së tij, e cila është akuzuar për qindra tendera e koncesione të dyshimta, saqë nuk po lënë pëllëmbë pa dhënë me PPP. Dhe, ajo që vret më shumë është se gjithë këto "pazare" janë kryer me paratë e taksapaguesve shqiptarë, të cilët më shumë se sa të varfër ,ndihen të vjedhur.
Ndërkohë, sa i përket numrit dy të Rilindjes, Erion Veliaj, të cilin qytetarët e Tiranës e njohin më mirë se kushdo tjetër, që nga mënyra si erdhi në krye të Bashkisë së kryeqytetit, me premtimet e pambajtura, dhe deri tek skandalet e pafundme financiare, duke favorizuar kompani në pronësi të miqve të tij oligarkë.
Këto dy figura kyçe në Partinë Socialiste gjatë viteve të fundit, janë shndërruar në dy ndër politikanët më të urryer nga populli shqiptar, pasi përveçse mjeshtra të propagandës, ata janë të gatshëm që të aktrojnë paturpësisht me hallet e shqiptarëve, të cilët nuk kanë hezituar t'i tallin gjatë daljeve të tyre publike.
JOQ Albania zhvilloi një sondazh në rrjetet sociale ku pyetja ishte pikërisht kjo, cili prej këtyre dy politikanëve urrejnë më shumë.
Në sondazhin e publikuar në faqen tonë në "Faceboook", ku kanë marrë pjesë më shumë se 17 mijë persona, personazhi më i urryer për shumicën e qytetarëve, me 63% të votave ishte Erion Veliaj.
Ndërsa në sondazhin e publikuar në faqen tonë në "Instagram', pjesëmarrësit ishin disi më të dyzuar, por sërish edhe në këtë rrjet social 55% e tyre kanë zgjedhur Veliajn si personazhin më të urryer të tyre.
Dhe në rezultatin përfundimtar, duke i marrë së bashku të dy sondazhet, rreth 59% e pjesëmarrësve zgjodhën si personazhin më të urryer Erion Veliajn, ndërsa 41% e tyre Edi Ramën.
Ndoshta kur Edi Rama thotë "S'keni parë gjë akoma", mos vallë e ka fjalën për "pasardhësin" e tij Erion Veliaj, i cili është kandidati më prepotent për të marrë marrë në dorë timonin e "Rilindjes"? Kjo mbetet për t'u parë!
