"Do të vijojnë të jenë të ndaluara deri më 23 qershor, aktivitetet kulturore, kinema, teatër, klubet e natës, pishinat, grumbullimet masive, dasmat, konferenca, dëgjesa publike, tubimet e çdo lloji, duke bërë dhe një thirrje për të mos patur përsëritje të grumbullimeve masive, efektet e të cilave do të ishin shumë të dëmshme."
Kështu deklaroi pak ditë më parë ministrja e Shëndetësisë, Ogerta Manastirliu, e cila njoftoi se cilat do të jenë aktivitetet që do të vijojnë të qëndrojnë të mbyllura deri më 23 qershor, ku midis tyre janë edhe pishinat, për fazën e dytë të rihapjes.
Mirëpo, siç ndodh rëndom në Shqipëri, të parët që nuk zbatojnë dhe shkelin rregullat janë vetë ata që i hartojnë e urdhërojnë, si dhe ata që janë mbështetës, ortakë, të afërm apo familjarë të këtyre personave. Dhe kjo gjë është manifestuar sërish së fundmi, teksa një qytetar ka dërguar një video në redaksinë e JOQ Albania, ku denoncon hapjen e një pishine në Tiranë.
Sipas denoncuesit, bëhet fjalë për resortin "Select Hill", që sipas tij është në pronësi të kryetarit të Njësisë Administrative Dajt, Kujtim Qefalia dhe vëllait të tij, deputetit rilindas, Xhemal Qefalia.
Siç shihet dhe në videon e dërguar nga qytetari, resorti luksoz që ndodhet në Linzë, është hapur dhe ka vijuar normalisht aktivitetin, ndonëse duhen edhe 16 ditë që të lejohet hapja e pishinave.
Ajo që vlen të theksohet se ky resort luksoz ndodhet shumë pranë Surrelit, ku banon dhe kryerilindasi Rama.
Ky është një tjetër rast flagrant i aplikimit të standardeve të dyfishta, ku të jesh pjesë ose të kesh lidhje të afërta me "Rilindjen" mund t'i shkelësh me këmbë të gjitha rregullat, dhe nuk të hyn asnjë gjemb në këmbë, ndërsa biznesmenë të tjerë, të cilët nuk janë të përfshirë në këtë sekt që po "masakron" çdo ditë e më tepër popullin shqiptar, duhet të mbajnë përgjegjësi për shkeljet e tyre.
Por ky nuk është rasti i parë që "Rilindja" favorizon 'të sajët', dhe ndonëse ka pasur denoncime të panumërta për të tilla fenomene, përfshirë edhe fusha të tjera të jetës.
Denoncimi i plotë:
Pershendtje joq shifni cfar behet ne pishinat e deputeteve te ps dhe kryetarit te njesise dajt kujtim qefalia dhe vellai i deputetit Xhamal qefalia. Shikoni resort select ka hapur pishinat. Selekt ndodhet ne linze, afer baneses se kryeministrit. Pishinat jane nje nga aktivitetet e ndaluara deri me date 23. Pse i ka hapur ? Valle ka mare leje nga kryeministri ? Vetem ky ?
Vetëm pak ditë më parë JOQ publikoi ekskluzivisht lajmin se vëllait të Qefalisë, Lulzimit i ka rënë shorti jorastësor të përfitojë një tender me vlerë 500 milionë lekë.
Por përveç këtij tenderi, kompania "Dajti Park 2007" ka arritur të fitojë që nga 2016 deri në 2019, 13 tendera nga bashki të ndryshme të vendit, por më të shumtat i ka nga Bashkia e Tiranës.
Qefalia në përgjimet e BILD
Rikujtojmë se deputeti Xhemal Qefalia ka qenë i përfshirë edhe në përgjimet e shit-blerjes së votës të publikuara nga Bild. Në video përgjimin Numër 2 është duke folur shefi i Komisariatit të Peshkopisë Robert Aga me deputetin Xhemal Qefalia.
Në këtë bisedë deputeti Qefalia i thotë Agës së do vijë Flamur Noka për të kontrolluar. Ai i tregon se ishin edhe në grupin parlamentar ku u diskutua edhe për shefin e policisë, Robert Aga.
Audio përgjimi 2:
Xhemal Qefalia: Berti
Shef i policisë së Dibrës: Po shoku im
Xhemal Qefalia: Mos e vrit trurin, Flamuri është i detyruar të bëjë politikë, po do i themi ne nesër s;ke pse e përmend më atë
Shef i policisë së Dibrës: Jo jo, ai le të vij dhe të kontrollojë ku t'i dojë qejfi
Xhemal Qefalia: Ça ka ai, ai ia fut kot, mundohet që të justifikojë. A e merr vesh ti se çfarë bëhet brenda PD-së, duke u zënë me njëri- tjetrin. Mos e vrit mendjen
Shef i policisë së Dibrës: Jo unë i pata thënë, më sillni kartonin si Messi që ia mban Barcelona edhe të fitoni
Xhemal Qefalia: Tani kot ata, të kishin vënë ty ata, e fitonin ata.
Shef i policisë së Dibrës: Unë jam pjesë e PS-së dhe nuk e ndërroj as për 1 milion vjet.
Xhemal Qefalia: Nuk e vë në dyshim mo vlla, prandaj e thashë unë atë mbrëmë, ishin të gjithë grupi i P, s'ë besonin më.
Shef i policisë së Dibrës: Faleminderit, faleminderit, shyqyr që nuk thashë një fjalë tjetër unë aty. Unë e dija se ishte Gjiknuri
Xhemal Qefalia: Pse nuk e dije që ne ishim atje
Shef i policisë së Dibrës: Jo mo thashë ....(nuk dëgjohet)
Xhemal Qefalia: Ishte dhe Gramozi aty, ishte edhe Rama, ishin të gjithë dhe ra muhabeti jot, foli shumë mirë dhe Damiani në fakt dhe Blerina ...u thashë që ai mund të bëjë shumë ty. I thashë edhe atij Ulsiut që ta përforconte, që të mos kishte kundërshtim. U thashë mu më bën punë edhe në Tiranë ai, puna është që kudo që është ai i jep drejtim.
Shef i policisë së Dibrës: Ishalla mos më çojnë nga Bulqiza , të pushoj pak
Xhemal Qefalia: E pra e, që të çlodhesh një çik
Shef i policisë së Dibrës: Jo kam nevojë që të pushoj pak, sinqerisht...
Xhemal Qefalia: Ikën ato ë?
Shef i policisë së Dibrës: Po, po i përcolla tani, të lumtur
Xhemal Qefalia: Për drekë them unë
Shef i policisë së Dibrës: Jo mo hëngrën, s;e di ça bën a hëngën , a koktej
Xhemal Qefalia: Drekë, drekë
Shef i policisë së Dibrës: Mirë shefi
Xhemal Qefalia: Mirë vëlla, tr*pin, të bëhet më e mira për ty, mos e vrit mendjen për ata...ta tha edhe mbrëmi "ai" ty, mos ashu gjë nga ato
Shef i policisë së Dibrës: Jo, ai ma tha në ligjëratë të drejtë, ma shpërlau gojën
Xhemal Qefalia: Prandaj po them unë
Shef i policisë së Dibrës: Mirë vllë, hajde të përshëndes, ciao
Xhemal Qefalia: Ciao