Që oligarkët dhe "Rilindja" janë mish e thua, këtë e di një Shqipëri e tërë. Sekti "Rilindja" ka favorizuar një grusht biznesmenësh të fuqishëm, të cilëve u ka dhënë koncesione pafund me paratë e taksapaguesve shqiptarë, për të shfrytëzuar deri në grahmën e fundit pasuritë natyrore, duke betonizuar ç'tu dalë përpara.
Gentian Sula është një prej oligarkëve që njihet si shkatërruesi i Kodrës së diellit, por më gjerësisht është i njohur si pronari i kompanisë së ndërtimit AgiKons.
Së bashku me Shkëlqim Fushën, pronarin e "Fusha shpk", Gentian Sula njihet si një ndër miqtë dhe oligarkët më të afërt të kryebashkiakut të Tiranës, Erion Veliaj.
"Afrimiteti" i Veliajt me Sulën ia bëri "bam" thuajse një vit më parë, ku Bashkia e Tiranës hapi tenderin me objekt “Rehabilitimin e parkut Rinia” me vlerë 78.705.775 leke pa TVSH.
Fituesi i këtij tenderi u shpall pikërisht kompania AgiKons, ku prokurorimi në fjalë kap vlerën e 1 miliard lekëve së bashku me TVSH-në.
Një ditë më parë, opozita ngriti akuza të forta në kryebashkiakut Veliaj, duke e akuzuar atë për shpërdorimin e këtij supertenderi, për të betonizuar rreth 6 mijë metra/katrorë në Parkun Rinia.
Mirëpo, skandali nuk mbaron me kaq, pasi punën që duhet të kryente AgiKons, e bëjnë punonjësit e ndërmararjes së pastrim gjelbërimit të Bashkisë së Tiranës, me qëllim që të inagurohej në 1 qershor, ashtu siç ndodhi.
Lidhjet e ngushta të kompanisë AgiKons me Bashkinë e Tiranës dhe "Rilindjen"
Dosja e kompanisë së ndërtimit “AGI KONS”, është e tej-mbushur me miliarda lekë, nga tendera e koncesione ndërtimi dhe shërbimesh publike, dhënë nga pushteti qendror e lokal majtas-djathtas.
Sipas të dhënave zyrtare, rezulton se kompania “AGI KONS” e çiftit Sula, vetëm nga Ministria e Kulturës dhe Bashkia Tiranë, ka marrë 13 miliardë lekë në dy vite, me 52 tendera ndërtimi e shërbimesh, me prokurim pa njoftim paraprak dhe pa garë, për gjoja “emergjenca”.
Pas denoncimeve të shumta në media, 5 muaj pas emërimit të saj në krye të autoritetit të (mos) hapjes së dosjeve, bashkëshortët vendosën, që në në datën 29.03.2017, të bëjnë shitjen fiktive 3.8 milionë euro të komapnisë, tek familjari i tyre Elvis Sula.
Shkëputja e tyre nga biznesi “AGI KONS” është bërë betëm në letra, për gjoja “konflikt interesi”, por tenderët e koncesionet me fonde shtetërore, po vazhdojnë, madje janë shtuar 20% si numër e 40% si vlerë, pa llogaritur “bizneset” me dosjet e zeza të ish-spiunëve, që janë akoma në pushtet, politikë, diplomaci, bashki, ushtri e polici dhe i kap ligji hapjes së dosjeve.
Ka edhe diçka tjetër tepër të rëndësishme...
Kompania AgiKons ka në pronësi të saj rezidencën "Kodra e Diellit 2", pikërisht ku banon Erion Veliaj, i cili ia ka blerë shtëpinë Gentian Sulës.
Të jetë koiçidencë, apo të gjitha këto janë të ndërlidhura me njëra-tjetrën? A tregon kjo që Veliaj dhe oligarku Gentian Sulaj, kanë një marrëveshje të përbashkët?!
Erion Veliaj ka një vilë luksoze në këtë rezidencë, ku strehohen politikanë, oligarkë, VIP-a, kryebashkiakë, deputetë etj. Në këtë rezistencë, e përbërë nga blloqe shtëpish luksoze, të rrethuara me një mur të jashtëm dhe të mbrojtura me roje, janë të gjitha shërbimet ndryshe nga pjesët e tjera të qytetit.
Në lidhje me këtë skandal, gazetari investigativ, Kastriot Myftaraj, ka bërë enkas një emision, ku tregon atë që ai e cilëson si "vëllazërinë" midis kryebashkiakut të Tiranës dhe oligarkut, Gentian Sula.
Sipas gazetarit, nëse OFL-ja e shumëtrumpetuar do të shkonte në shtëpinë e Veliajt në rezidencën luksoze, ai nuk do të ishte në gjendje të justifikonte paratë me të cilën e blerë.
Ndër të tjera, Myftaraj shprehej pak ditë më parë në emisionin e tij: