Sot ISHP konfirmoi 8 raste të reja me koronavirus në Shqipëri ku njëri prej tyre u shënua në qytetin e Durrësit.
Durrësi doli nga harta e qyteteve të prekura por duket se pandemia është rikthyer me rastin e sotëm.
Nga burimet e ABC News, mësohet se i infektuari është një 71-vjeç dhe shtetas kinez, i cili jeton në zonën e Plazhit në Durrës.
Në deklaratën e tij ai ka treguar se ka qëndruar gjatë gjithë kohës në shtëpi çfarë e ka bërë të pamundur konstatimin e mënyrës së infektimit.
Shtetasi kinez ka patur komplikacione ndaj edhe është dërguar me urgjencë drejt kryeqytetit.
