Mediat izraelite kanë raportuar sot se ka nisur testimi i një vaksine të sapokrijuar kundër Covid-19.
Prototipi i vaksinës po testohet fillimisht te brejtësit në Laboratorin e Mbrojtjes.
Lajmi është bërë i ditur nga zyra e kryeministrit izraelit, Benjamin Netanyahu, e cila njoftoi se drejtori i Institutit për Kërkime Biologjike të Izraelit (IIBR), e kishte informuar atë për avancimin e rëndësishëm në krijimin e një prototipi vaksinash, dhe se instituti tani po përgatit një model për testimin te kafshët.
Netanyahu i kërkoi IIBR-së të bashkëpunim me qeverinë, në luftën kundër pandemisë Covid-19 më 1 shkurt.
Një burim i brendshëm i IIBR ka thënë për Reuters se kanë nisur testimet mbi brejtësit. Burimi nuk pranoi të identifikojë llojin e brejtësit.
Shefi i inovacionit të IIBR, Eran Zahavy, tha javën e kaluar se instituti kishte zhvendosur gjithë fokusin e tij te koronavirusi i ri, duke u ndarë në tre grupe, të cilët përpiqeshin të zhvillonin një vaksinë kundër Covid-19.
Në një konferencë në gjuhën angleze të organizuar nga Jerusalem Venture Partners, ai tha:
Deri më tani, Izraeli ka raportuar 4473 raste me Covid-19 dhe 19 viktima.
Zahavy shtoi më tej:
The Jerusalem Post shkruan se IIBR ka mbledhur edhe mostra të plazmës nga njerëz që janë shëruar nga koronavirusi, me shpresën se kjo mund të ndihmojë në studimin për gjetjen e një kure.
Ministri izraelit i Mbrotjes, Naftali Bennet tha se IIBR ka nisur testimin e disa prototipeve të një vaksine kundër virusit. Nëse ajo do të japë rezultate te kafshët, ministri tha se do të kërkonte që të nisë testimi edhe te njerëzit.
Burimi: The Jerusalem Post|Përktheu dhe Përshtati: JOQ Albania
