Një 56-vjeçar u arrestua në Brooklyn pasi kishte hapur një lokal të pa licensuar dhe një ambient për lojërat e fatit.
Kjo është një shkelje e ashpër e rregullit të vendosur për mbylljen e bizneseve për shkak të situatës së krijuar prej pandemisë së Koronavirusit.
Policia arrestoi 56-vjeçarin Vasil Pando menjëherë pas orës 11 të ditës së shtunë pasi gjeti dhjetëra persona duke pirë, duke luajtur kumar dhe duke shpërfillur mandatin e distancës sociale në Kings Highway, thanë autoritetet.
Policët u njoftuan për shkeljen përmes një telefonate në numrin 311.
Pando, pronari i lokalit u arrestua për veprën penale shkelje e urdhrit të izolimit të qytetit dhe do përballet me një numër akuzash përfshirë shitjen e paligjshme të alkoolit, promovimin e lojërave të fatit etj.
Arrestimi vjen pasi kryebashkiaku Bill de Blasio njoftoi të dielën se banorët në Nju Jork mund të përballen me një gjobë prej $ 500 për jo distancim shoqëror pasi afro 100 njerëz në qytet vdiqën nga virusi vdekjeprurës në më pak se shtatë orë.
Burimi: nypost.com Përktheu dhe Përshtati: JOQ Albania
