Një vajzë e re vetëm 26-vjeçare dyshohet se ka ndërruar jetë pas infektimit me koronavirus, COVID-19.
Vajza e re e cila punonte si kujdestare kafshësh, nuk raportohet të kishte simptomat e zakonshme të COVID-19.
Disa ditë pasi festoi ditëlindjen, ajo filloi të mos ndihej mirë dhe u dërgua në spital pasi pësoi arrest kardiak.
Familja e saj ka deklaruar për Mirror, se e reja ndërroi jetë në spital dhe sipas tyre ajo ishte e infektuar me COVID-19.
Jayne Lowry, nga Preston, Lancashire, nuk pati kollë e as temperaturë, por dërgua me urgjencë në spital pasi zemra e saj pësoi krizë të shtunën, përpara se të vdiste të nesërmen.
Familja e saj e cila është e bindur se e bija ishte infektuar me COVID-19, falenderojnë mjekët dhe thonë se janë në pritje të rezultateve për të mësuar shkakun e vërtetë të vdekjes.
Burimi: Daily Mirror| Përktheu dhe Përshtati: JOQ Albania
