Pipero apel shqiptarëve: Bëni durim, respektoni këshillat e mjekëve dhe masat e vendosura

Gjendja në vendin tonë paraqitet e rënduar prej Covid-19. Mjeku Pëllumb Pipero ka folur në lidhje me situatën që është krijuar në vendin tonë prej Covid-19.

Gjatë fjalës së tij, ai ka thënë se nëse masat respektohen nga qytetarët, në javën e dytë të muajit prill do të ketë një ulje të rasteve me Covid-19 në vendin tonë.

Po ashtu ai ka thënë se të gjithë qytetarët duhet bëjën durim dhe të respektojnë të gjitha masat e vendosura. Më tej mjeku ka thënë se kjo është e vetmja mënyrë për të mbrojtur veten dhe të afërmit.

Fjala e tij:

Tashmë kemi hyrë në javën e katërt. Për mendimin tim, në rast se rastet janë gjurmuar hap pas hapi, rastet e reja me shifra 11, 15 apo 13, janë trend pozitiv brenda të keqes së madhe që ka kjo epidemi. Java e dytë e prillit do të flasë shumë. Në rast se gjurmimi i rasteve vijon me kujdes dhe nëse qytetarët vazhdojnë të respektojnë masat e qeverisë dhe këshillat e mjekëve, unë besoj se java e dytë e prillit do të na gjejë në fillim të thyerjes së kurbës.

Kurse për mënyrën se si po mjekohen pacientët, ai ka thënë se janë respektuar skemat e mjekimit më të përparuara që janë zbatuar edhe në Kinë, Itali dhe vendet e tjera.