Janë shëruar plotësisht edhe tetë pacientë të tjerë me koronavirus në Shqipëri.
Pacientët e shëruar pritet të lënë spitalin gjatë orëve në vijim, për t'iu nënshtruar karantinës në shtëpi.
Lajmi është dhënë nga kryeministri Edi Rama, i cili përmes një postimi në Facebook ka njoftuar shërimin e tetë pacientëve të tjerë gjatë orëve të fundit.
Tashmë, numri i personave të shëruar plotësisht nga Covid-19 në vend ka shkuar në 52.
Kujtojmë këtu që të hënën u konfirmuan 11 raste të reja me koronavirus, duke e çuar totalin në 223.
Fatkeqësisht, mbrëmjen e së hënës u shënua edhe viktima e 12-të e koronavirusit në Shqipëri.
E ndjera ishte një 82-vjeçare nga Tirana, e cila ndërroi jetë në spitalin Infektiv, ku ndodhej prej një jave e shtruar.
Ajo vuante edhe nga disa sëmundje të tjera.
