Punëtorët mbeten pa bukë dhe pa ujë, policia përdor gaz lotsjellës për t’i larguar nga rruga

Policia në Indi ka përdorur gaz lotsjellës për të shpërndarë një turmë punëtorësh migrantë. Ata kundërshtonin bllokimin tre-javor kundër koronavirus, i cili i ka lënë pa punë dhe të uritur. Ministri Narendra Modi urdhëroi 1.3 miliardë njerëz të qëndronin brenda shtëpisë deri më 15 prill, duke deklaruar se një izolim i tillë ishte shpresa e vetme për të ndaluar pandeminë.

Por izolimi ka shkaktuar një krizë humanitare, me qindra mijëra punëtorë të varfër migrantë të punësuar në qytete të mëdha si Delhi dhe Mumbai kërkojnë të shkojnë në shtëpitë e tyre në fshat me këmbë pasi humbasin punën e tyre. Shumë prej tyre kanë ecur me ditë të tëra, disa me familje duke përfshirë fëmijë të vegjël, në autostradat e shkreta, duke patur me vete shumë pak ushqim dhe ujë. Rreth 500 punëtorë u përleshën me policinë duke kërkuar që të lejohen të shkojnë në shtëpi në pjesë të tjera të Indisë sepse kishin mbetur pa punë.

Zv.Komisari u shpreh:

Policia u përpoq t'i bindë ata se nuk është e mundur të lëvizin,pasi autobusët ose trenat nuk janë të disponueshëm. Megjithatë ata nuk u bindën dhe filluan të gjuanin me gurë. Për këtë arsye u detyruam të përdorim gazin lotësjellës. Disa prej punëtorëve u arrestuan, për shkak të shkeljeve të urdhrave të policisë.

Burimi: Reuters|Përktheu dhe Përshtati: JOQ Albania