Britania e Madhe zyrtarizon marrëveshjen me linjat ajrore për të rikthyer qytetarët e bllokuar në shtetet e tjera

Sekretari i Jashtëm Dominic Raab ka thënë se qeveria është duke punuar për të ndihmuar britanikët e bllokuar jashtë vendit, pasi kanë arritur një marrëveshje prej 75 milion £ me linjat ajrore për të ndihmuar mijëra qytetarë të kthehen në Mbretërinë e Bashkuar.

Janë të shumtë qytetarët që kanë mbetur jashtë vendit për shkak të pandemisë koronavirus. Raab shpjegoi se qeveria ka arritur një marrëveshje me kompanitë ajrore për të kthyer njerëzit në shtëpi, duke filluar nga kjo javë.

Në konferencën e sotme të koronavirusit, Raab tha:

Ne e dijmë që një numër i madh udhëtarësh janë përpjekur të kthehen në shtëpi. Qindra mijëra tashmë e kanë bërë këtë, por shumë udhëtarë nuk kanë arritur të kthehen në shtëpi. Ne e kuptojmë situatën e vështirë në të cilën ata gjenden. Unë dua t'i siguroj që kjo qeveri, qeveria e tyre, po punon për tërë kohën për të mbështetur, këshilluar dhe ndihmuar udhëtarët britanikë të kthehen në shtëpi.Do të ketë një kompani të dedikuar për menaxhimin e udhëtimit, me 75 milion paund investim për të realizuar këto fluturime. Do të kenë përparësi të moshuarit dhe personat me nevoja mjekësore.

Ai këshilloi njerëzit që të kontrollojnë kanalet e mediave sociale të ambasadave të huaja të vendit ku ndodhen, ku do të drejtohen për fluturime të mundshme.

Një njoftim për shtyp i botuar sot tha që Virgin, easyJet, Jet2 dhe Titan Airways tashmë kanë nënshkruar një 'memorandum mirëkuptimi të negociuar nga Sekretari i Jashtëm dhe Sekretari i Transportit', me British Airways që thotë se do të punojë me qeverinë për të kthyer njerëzit në shtëpi.

Linjat të tjera gjithashtu pritet të bashkohen me iniciativën.

Në vazhdim, Raab tha:

Kjo është një kohë e vështirë për shumë qytetarë britanikë që udhëtojnë jashtë vendit. Ne kemi punuar tashmë me linjat ajrore dhe qeveritë për të mundësuar që të kthehen në shtëpi në fluturime komerciale.Kur fluturimet komerciale të mos realizohen dot, do të realizojmë fluturime me charter që kemi organizuar përsëri nga Kina, Japonia, Kuba, Gana dhe Peru.

Burimi: LadBible|Përktheu dhe Përshtati: JOQ Albania