Me çfarë po kurohen pacientët tek Infektivi? Përgjigjet mjeku Pipero

Mjeku infeksionist, Pëllumb Pipero, ka treguar se me çfarë po kurohen pacientët në Spitalin Infektiv.

Në një lidhje direkte për emisionin "Open", mjeku i njohur tha se ka filluar trajtimi i pacientëve me klorokinë.

Sipas tij, klorokina ka rezultuar e suksesshme në disa vende të tjerë, ndërkohë që prej disa ditësh ka ardhur edhe në Shqipëri.

Ai tha:

Ende nuk ka një protokoll, por ne kemi nisur përdorimin e klorokinës që ka rezultuar e suksesshme në disa vende të tjera. Ka disa ditë që ka ardhur dhe në Shqipëri.

Kujtojmë këtu që numri i rasteve me koronavirus në Shqipëri ka shkuar në 223.

Deri më tani, në vendin tonë kanë humbur jetën 11 persona nga Covid-19, ndërkohë që numri i të shëruarve ka shkuar në 44.

Ndërkohë në Spitalin Infektiv po marrin shërbim mjekësor 74 pacientë, ku katër prej tyre ndodhen në terapi intensive.