Burri i moshuar u ankua, Ndreu: S’ndihmojmë kategori të tilla është militant

Gjendja në vendin tonë paraqitet e rënduar prej Covid-19. Shumë shqiptarë kanë pak kursime mënjanë, për të kaluar këtë situatë të vështirë. Disa ndoshta edhe nuk kanë fare.

Ndërkohë që kryetari i Bashkisë Lezhë, Pjerin Ndreu ata persona që thonë se janë në kushte të vështira i quan militantë. Një qytetar nga Lezha tha për “News 24” se Bashkia nuk e kishte ndihmuar.

Por Ndreu qytetarin në fjalë e ka quajtur militantë partiak dhe se kategori të tilla nuk ndihmohen. Këtë gjë Ndreu e ka thënë me anë të një postimi në rrjetet sociale.

Mes rreshtash ai ka shkruar se është turp që i kanë zgjatur mikrofonin burrit, që tha se nuk e kishin ndihmuar.

Postimi i plotë.

Ky zoteria, Festim Meta, qe nuk eshte as pensionist, as shtrese ne nevoje, e as ne hall per asgje pa pike turpi thote qe nuk e ka ndihmu Bashkia. ! I them atij qe e ka intervistu qe e ka gjete me “shume mund”, dhe ketij qe flet brockulla se bashkia nuk ndihmon kategorite e ketij tipi qe nuk ka asnje problem ekonomik ! Turp per ate qe i ka zgjate mikrofonin qe e njeh mire se kush eshte dhe turp per kedo qe perdor militante partiake me sfumu punen gjigande qe po ben Bashkia Lezhe!

Ndërkohë në vendin tonë vazhdojnë thirrjet për të qëndruar në shtëpi dhe për të respektuar higjenën personale.