Teksa koronavirusi i cili ka vrarë më shumë se 33,000 njerëz vazhdon të përhapet në të gjithë botën, Rusia ka rritur masat e saj për të parandaluar përhapjen e tij.Ditën e sotme në Rusi janë konfirmuar 302 raste të reja, duke e çuar numrin zyrtar të të infektuarve në 1836. Deri më tani, në Rusi kjo është dita me më shumë raste të reja, që prej përhapjes së Covid 19.
Shumica e rasteve të reja në Moskë ishin njerëz të moshës 18 deri në 40 vjeç. Teksa numri i të prekurve tejkaloi 1.000 përgjatë fundjavës, dita e sotme e gjeti Moskën në karantinë. Sipas dekretit, banorët e Moskës do të lejohen të largohen nga shtëpitë e tyre për të kërkuar kujdes urgjent mjekësor si dhe për të bërë blerjet elementare.
Urdhri për izolim do të zbatohet për të gjithë banorët pa marrë parasysh moshën. Nga dita e sotme Rusia gjithashtu ka mbyllur kufijtë, për të frenuar përhapjen e virusit. Masa do të hyjë në fuqi në të gjitha pikat e kontrollit të automjeteve, hekurudhave dhe këmbësorëve, dhe do të zbatohet në kufijtë detarë të Rusisë.
Burimi: TheMoscowTimes|Përktheu dhe Përshtati: JOQ Albania
