Koronavirusi/ Studimi: Përse disa të infektuar kanë simptoma të lehta dhe të tjerë jo

Përveç zvogëlimit të rrezikut të përhapjes së koronavirusit, distancimi i njerëzve mund të përcaktojë edhe masën e simptomave të tyre nëse preken nga virusi. Sipas shkencëtarëve, ngarkesa virale që përçohet në këtë rast, është më e vogël dhe rrjedhimisht simptomat janë më të lehta.

Njerëzit mund të zvogëlojnë shanset e tyre për një infeksion të rëndë fillestar duke qëndruar larg nga të tjerët që mund të jenë të sëmurë dhe duke iu përmbajtur rreptësisht rregullave kundër kontaktit të ngushtë personal. Sipas këtij studimi, mënyra e përçimit të virusit ndikon në simptomat e shfaqura tek pacienti. Nëse e keni marrë virusin duke prekur një objekt, ai do më tepër kohë të futet në trupin tuaj dhe përgjatë këtij procesi, numri i grimcave të virusit zvogëlohen.

Nëse e merrni virusin nga kontakti fizik me një pacient të infektuar, atëherë ai përçohet më shpejt në organizëm dhe në këtë rast numri i grimcave është më i lartë. Praktikisht, ajo çka sugjeron ky studim, është fakti që sa më pak grimca të arrijnë të futen në organizmin tuaj, aq më pak simptoma do të keni. Për këtë arsye, disa të infektuar shfaqin simptoma të lehta dhe disa të tjerë kalojnë menjëherë në simptoma të rënda.

Profesori Wendy Barclay thotë:

Përsa i përket viruseve që prekin sistemin respirator, rrezikshmëria e sëmundjes është në varësi të grimcave të virusit që janë futur në organizmin tuaj. Është njësoj si një luftë, mes virusit dhe antitrupave të sistemit tonë. Sa më shumë sasi virusi të këtë, aq më e vështirë bëhet lufta për sistemin imunitar. Në fakt, për koronavirusin, duket se shumica pacientëve janë infektuar nga doza të vogla të virusit dhe të kalojë një kohë e gjatë përpara se të kuptojnë që janë të infektuar.

Burimi: DailyMail|Përktheu dhe Përshtati: JOQ Albania