E gjithë Turqia u trondit para pak ditësh kur u mësua lajmi se trajneri legjendar i kombëtares, Fatih Terim, rezultoi pozitiv ndaj koronavirusit.
Por, për fatin e mirë, tekniku i Gallatasarayt po fiton garën me virusin që po tmerron botën.
Ditën e sotme, ai doli nga spitali, pasi situata e tij është përmirësuar ndjeshëm
Këtë e ka konfirmuar edhe vetë trajneri, me anë të një postimi në rrjetet sociale duke i siguruar të gjithë miqtë se tani ndjehet mirë dhe do vazhdojë kurimin në shtëpi.
Terim do ta vazhdojë rikuperimin e tij edhe për disa ditë të tjera deri sa të pastrohet krejtësisht nga Covid-19.
