Prej gati tre javësh, Shqipëria është vendosur në karantinë për shkak të situatës së krijuar nga koronavirusi.
Ndërkohë që gjatë ditëve të fundit janë ashpërsuar masat kufizuese, duke u reduktuar orari, por edhe fakti që tashmë lejohet që vetëm një person i familjes të dalë për të blerë furnizime ushqimore ose medikamente medicinale, i cili duhet të pajiset dhe me autorizimin përkatës nga autoritetet.
Por si po zbatohen nga qytetarët masat kufizuese, dhe si po e menaxhon situatën policia?
Mesa duket, në fshatin Valias në Tiranë jo vetëm që rregullat e vendosura nga autoritetet nuk zbatohen, por duket është vetë policia e Lleshit që e ka 'aprovuar' këtë gjë.
Ka qenë një banor i zonës, i cili ka dërguar një video në redaksinë e JOQ Albania ku shihen disa banorë të fshatit të cilët kanë dalë në rrugë, duke mos respektuar jo vetëm izolimin, por as rregullat e distancimit social.
Siç shihet dhe në videon e mëposhtme, disa banorë shihen shumë pranë njëri-tjetrit duke ecur në rrugë, ndërkohë që nga ana tjetër një automjet i policisë ndodhet pak metra më tutje, duke mbajtur sehir.
Sipas mesazhdërguesit, videoja është filmuar sot rreth orës 18:40.
Mesazhi i plotë
