Edhe në Gjermani gjendja është rënduar prej Covid-19. E rënduar paraqitet situata edhe në një tjetër azil në rajonin e Saksonisë së Ulët.
Pas ndarjes nga jeta të disa të moshuarëve në azilin në Wolfsburg, në një tjetër shtëpi për të moshuar gjendja është rënduar.
Raportohet se në azilin për të moshuar 'Wildeshausener' 23 të moshuar dhe 17 punonjës social janë të infektuar me Covid-19.
Akoma më e trishtë është se punonjësit e infektuar janë duke u kjdesur për të moshuarit që kanë rezultuar pozitiv me koronavirus. Azili për të moshuar ‘Wildeshausen’ ndodhet në Oldenburg.
Departamenti i Shëndetësisë në Oldenburg testoi 51 të moshuarit që ndodhen në këtë azil, 23 prej tyre rezultuan pozitiv për Covid-19. Kurse një 89-vjeçar i infektuar me Covid-19 ndërroi jetë në këtë azil.
Ai vuante edhe nga një sëmundje kronike. Zyra e Shëndetit në Oldenburg dha udhëzim që të moshuarit e infektuar të izolohen në dhomat e trye dhe për ta do të kujdesen punonjësit që kanë rezultuar pozitiv me Covid-19.
E ditur bëhet se të moshuarit e infektuar nuk duhet të kenë asnjë lloj kontakti me të moshuarit që rezultuan negativ për Covid-19.
Burimi: Bild/ Përktheu dhe përshtati: JOQ Albania
