Shkencëtari i vlerësuar me Nobel: Përhapja e koronavirusit në New York dhe Itali po zvogëlohet

Një shkencëtar i vlerësuar me çmimin Nobel nga Universiteti Stanford thotë se përhapja e koronavirusit në Itali dhe New York po ngadalësohet. Profesori Michael Levitt, i cili parashikoi me saktësi se sa raste dhe vdekje do të kishte në Kinë, tha se Italia dhe New York e kanë prekur kulmin e pandemisë. Ato janë dy nga vendet më të goditura në botë, me 157,000 raste të kombinuara nga gjithsej 736,000 globale.

Italia u bë epiqendra e pandemisë në botë, pas Kinës, por SH.B.A, me një popullsi pesë herë më të madhe, dhe e ka zënë shpejt vendin e saj. New York-u është shteti më i prekur. Profesori Levitt tha se në Itali tashmë ka ardhur momenti i zbutjes së pandemisë dhe këtë e tregon numri i rasteve të reja përgjatë 10 ditëve të fundit. Situata e New York është më pak e qartë dhe duhet mbajtur nën vëzhgim edhe për disa ditë. Kjo javë do të jetë thelbësore për të parë se si mund të vazhdojë shpërthimi i Covid 19 në SHBA.

Profesor Levitt tha:

New York-u është në mes të pandemisë, pra na duhen edhe disa ditë për të parë nëse trendi do të rritet apo do fillojë të zbresë. Italia tashmë duket se ka nisur ndryshimin e trendit së bashku me Zvicrën.Vetë statistikat kanë treguar që rastet e reja të të infektuarve në këto vende janë ulur. Pavarësisht se viktimat janë në shifra të larta, ato nuk tregojnë trendin e pandemisë. Viktimat mund të jenë të infektuar të rinj, por edhe të infektuar përpara disa javësh. Prandaj na duhet të fokusohemi në numrin e rasteve të reja, për të parë nëse pandemia po avancon apo jo. Nuk jam ende i bindur për trendin në Spanjë, por shpresoj që edhe aty pandemia të fillojë të ngadalësohet.

Burimi: DailyMail|Përktheu dhe Përshtati: JOQ Albania