Salla e koncerteve Ahoy në Roterdam, ku do të zhvillohej festivali i përvitshëm i muzikës “Eurovision”, tashmë do të shndërrohet në një spital provizor.
Për t’i ardhur në ndihmë të prekurve nga Covid-19, shteti hollandez tashmë ka filluar punimet për kthimin e sallës në një spital.
Ditën e sotme filloi puna për instalimin e 88 shtretërve të pare, nga 680 që do të vendosen gjithsej. Salla Ahoy pritet të jetë gati në mes të muajit prill.
Kjo duhet të ndihmojë në zbutjen e presionit ndaj spitaleve në Hollandë, ku numri i të infektuarve është rritur me shpejtësi.
Deri më tani, në Hollandë ka 11,750 të infektuar dhe 864 viktima.
Instituti Kombëtar Hollandez për Shëndetin Publik tha se njësitë e kujdesit intensiv në spitalet hollandeze mund të arrijnë në limitin e kapacitetit të tyre në dy javët e ardhshme.
Burimi: Reuters|Përktheu dhe Përshtati: JOQ Albania
