Një rrëshqitje në tokë ka shkaktuar prishjen e një treni pasagjerësh në Kinë, duke vrarë të paktën një person dhe plagosur 127, sipas autoriteteve.
Treni mbante 654 pasagjerë dhe 37 punëtorë hekurudhor sot kur goditi mbetjet e rrëshqitjes së tokës duke bllokuar shinat, thanë zyrtarët e hekurudhave.
Mashinisti kishte parë ortekun e baltës dhe shtypi frenat, por nuk arriti ta ndalte në kohë trenin.
Aksidenti ndodhi rreth mesditës në qarkun Yongxing në Chenzhou, Provinca Hunan e Kinës jugore, njoftoi Grupi Hekurudhor i Kinës Guangzhou Group.
Reshjet e vazhdueshme të shiut kishin shkaktuar një rrëshqitje të dheut në zonë, duke çuar në aksident, autoritetet shkruajtën në llogarinë e tyre zyrtare në Weibo.
Një oficer policie hekurudhor në bord u shpall i vdekur nga mjekët pas përpjekjeve të dështuara për ta shpëtuar. Pesë punëtorë të tjerë të hekurudhave pësuan lëndime të vogla.
Katër pasagjerë u plagosën rëndë dhe 118 të tjerë pësuan dëmtime të lehta, shtoi postimi.
Të gjithë personat e lënduar u dërguan në spital.
Burimi: Daily Mail | Përktheu dhe Përshtati: JOQ Albania
