13 orë në punë, infermierja e re iu lutet njerëzve: Qëndroni në shtëpi, ju s’e keni idenë çfarë ndodh!

Një ndihmëse infermiere, vetëm 19-vjeç, në Britani, ka përlotur ndjekësit e saj me postimin e fundit në lidhje me situatën në spitale prej COVID-19 i cili tashmë ka shkaktuar 19,522 të infektuar e 1,228 viktima vetëm në Mbretërinë e Bashkuar.

Me sy të skuqur dhe të enjtur, ajo bën thirrje që qytetarët të qëndrojnë brenda, pasi situata është kaotike në spitalet e vendit, dhe ende është vetëm fillimi.

Me anë të një postimi në Facebook, ajo shkruan:

Shikoj dhimbje në sytë e tyre, dhe kur thonë se janë mirë, ata duken se nuk janë aspak mirë. Është e trishtueshme të shohësh kaq shumë njerëz të sëmurë, është shkatërruese. Dhe ky është ende vetëm fillimi, kam frikë se gjërat do të përkeqësohen. Do të doja shumë të qëndroja brenda e të haja ushqim të mirë, por nuk mundem. Njerëz qëndroni në shtëpi, të mos zbatosh rregullat në këtë kohë është papërgjeshmëri e madhe.

Rikujtojmë se Britania është një ndër vendet më të prekura nga COVID-9, madje edhe kryeministri Boris Johnson është i infektuar nga ky virus.

Sipas mediave vendase ai është në gjendje të mirë shëndetësore, dhe po drejton vendin nga karantina në këto ditë tragjike për të gjithë botën.

Burimi: Daily Star| Përktheu dhe Përshtati: JOQ Albania