Spanja është bërë vendi i tretë me numrin më të lartë të të infektuarve me koronavirus pasi numri i të infektuarve u rrit me pothuajse 6.400 raste të reja brenda natës.
Autoritetet shëndetësore thanë të hënën se ata kishin diagnostikuar gjithsej 85,195 raste me persona të infektuar krahasuar me 78,797 një ditë më parë. Kina ka raportuar pothuajse 81.500 raste në total.
Numri i vdekjeve në Spanjë gjithashtu u rrit me 812 persona brenda natës nga 6,528 dje në 7,340 sot. Rritja e së hënës ishte e madhe, por jo aq sa e së dielës kur vdiqën në 24 orë 838 persona dhe kjo shënoi ditën më të keqe të pandemisë së vendit deri më tani.
Vetëm Italia ka regjistruar vdekje totale më të mëdha një-ditore sesa Spanja, me ditën e saj më të keqe që vjen mes të enjten dhe të premten javën e kaluar kur humbën jetën 969 njerëz prej koronavirusit.
Dy javë pas shpalljes së gjendjes së jashtëzakonshme Spanja ka urdhëruar pezullimin e aktiviteteve dhe bizneseve për të paktën deri në datën 9 prill.
Kryeministri spanjoll Pedro Sanchez njoftoi kufizimet e reja në një fjalim drejtuar kombit mbrëmjen e djeshme.
Burimi: dailymail Përktheu dhe Përshtati: JOQ Albania
