E re dhe e shëndetshme, nëna e dy fëmijëve shpërthen në lot: COVID-19 për pak më mori jetën

Një nënë e re e dy fëmijëve, e shëndetshme, ka dhënë një paralajmërim të fortë pasi është prekur nga COVID-19.

Me një mënyrë të shëndetshme jetese, ajo mendoi se ishte imune ndaj COVID-19 deri sa u infektua dhe përfundoi e shtruar në spital në gjendje jo të mirë shëndetësore.

Tara Jane Langston, nga Londra, 39 vjeç ka postuar një video nga spitali ku po kurohej duke folur me lot në sy rreth gjendjes së saj shëndetësore.

Dua t’ju them njerëzve që mendojnë se janë imunë, siç mendoja unë në fillim, merreni seriozisht këtë virus. Sepse nëse infektoheni, do të jetë një nga përvojat më traumatike në jetën tuaj, sigurisht nëse arrini t’a mposhtni atë. Mbani mend, askush nuk është imun. Unë nuk ia uroj as armikut tim më të keq.

Duke mos ditur nëse ajo do të shihte përsëri fëmijët e saj, Meadow dhe Annabelle, 39 vjeçarja shprehet se mendonte se për shkak të këtij virusi mund të vdiste ose të kishte nevojë për oksigjen të administruar për pjesën tjetër të jetës së saj.

Pas kurimit në spital, ajo mundi të kthehej në shtëpinë e saj pranë fëmijëve dhe bashkëshortit të saj.

Jam shumë e lumtur që jam në shtëpi, dua t’a dini që unë e munda COVID-19. Unë jam ende në rrugën e rimëkëmbjes së shëndetit, por jam shumë më mirë...

Burimi: Daily Mail| Përktheu dhe Përshtati: JOQ Albania