Masat e marra kundër përhapjes së koronavirusit në vend kanë mbyllur krejt papritur një nga tregjet më të mëdhenj në Durrës.
Ditën e sotme rreth 300 tregtarë që kanë shkuar të nisin punën janë përballur me policinë e cila u ka njoftuar mbylljen e tregut të fruta-perimeve. Njoftimi mësohet se i është thënë vetëm mëngjesin e sotëm.
Tregtarët janë të revoltuar pasi askush nuk i kishte lajmëruar më herët për mbylljen e tregut ndërsa shtojnë se produktet e tyre do të prishen.
Mësohet se Bashkia ka vendosur shpërndarjen e tregut në tre pika të tjera të qytetit, por kjo është njoftuar më shumë vonesë.
Tregtarët deklarojnë se kërkojnë të punojnë e të lejohen të ushtrojnë aktivitetin ose te qëndrojnë në shtëpi dhe të t’i paguajë shteti.
