Vendimin për izolimin e vendit e ka marrë sot edhe Rusia. Me synim për të ndaluar përhapjen e Koronavirusit Rusia sot ka mbyllur kufijtë, ndërsa Moska ka urdhëruar 12 milionë banorët e saj të qëndrojnë në shtëpi.
Normalisht njerëzit do jenë të lirë të dalin nga shtëpitë vetëm në rast emergjence, për të blerë ushqime, barna ose për të kërkuar ndihmë mjekësore.
Kështu tha kryebashkiaku i Moskës, Sergei Sobyanin. Detyrimisht prej izolimit përjashtohen drejtuesit e shtetit dhe po ashtu shoferët e kamionëve dhe makinave të mallrave.
Numri total i të prekurve me koronavirus është 1500 në Rusi ndërsa 9 pacientë kanë humbur jetën.
Qyteti më i prekur është Moska, me mbi 1000 të infektuar.
Përfaqësues të shëndetësisë njoftojnë se pritet një rritje e numrit të rasteve pasi është shtuar edhe numri i personave që janë testuar deri më tani.
Autoritetet vendase kanë urdhëruar mbylljen e biznesve prej ditës së djeshme dhe nuk dihet ende deri kur kjo masë do qëndrojë në fuqi.
