Koronavirusi nuk është i pa mposhtshëm dhe prova perfekte për këtë është beteja e fituar ndaj tij e mesueses së shkollës së mesme në Angli.
Sarah Hall, 26 vjeç, e cila vuan prej vitesh nga diabeti dhe sëmundja A1AT që prek mushkëritë dhe mëlçinë e saj, është shëruar plotësisht nga COVID-19.
Sarah bën me dije se është infektuar me koronavirusi, në fillim të marsit, ku ndjeu simptomat e para, por mendoi se e kishte nga lodhja në gjimnazin ku punonte. Por me kalimin e ditëve, ajo nisi t’a kuptojë se gjendja e saj ishte më e rëndë se gripi sezonal që prekej zakonisht.
Me nisjen e kollës, ajo vendosi të vetëizolohej për 14 ditë, ndërkohë spitali kishte dyshime të forta se ajo ishte prekur nga COVID-19. Simptomat e saj nisën me dhimbje koke, frymarrje e vështirë, dhe ethe.
E vetëdijshme për problemet e tjera shëndetësore, Sarah u përpoq të qëndronte e qetë, të ushqehej mirë, e të merrte sa më shumë lëngje.
Por gjendja u agravua, me të vjella dhe temperaturë të lartë, gjë që e detyroi atë të thirrte ambulancën e cila u vonua shumë. Por me ardhjen e saj dhe dërgimin në spital, ajo rezultoi pozitive me koronavirusin e ri, COVID-19, duke iu nënshtrua trajtimeve.
Me vullnetin e saj të hekurt, ajo ia doli të vë nën kontroll virusin dhe t’a mposhtë atë plotësisht, pavarësisht se trupi i saj vuante edhe nga sëmundje të tjera.
Burimi:Daily Mail| Përktheu dhe Përshtati: JOQ Albania
