Numri i viktimave dhe të infektuarve nga koronavirusi po rritet në mënyrë të frikshme në të gjithë botën.
Europa mbetet kontinenti më i prekur nga Covid-19, ku është regjistruar edhe numri më i lartë i viktimave.
Dy ndër vendet më të goditura nga virusi vdekjeprurës në Europë janë Italia dhe Spanja, ku janë shënuar mbi 17 mijë viktima në të dyja vendet, thuajse gjysma e numrit total të viktimave në rang global.
Ndërkohë numri i rasteve dhe viktimave po rritet me shpejtësi edhe në vende të Europës.
Edhe në Portugali është rritur numri i viktimave, duke shkuar në 119 në total.
Sipas të dhënave zyrtare, 19 persona humbën jetën këtë të diel.
792 persona janë testuar pozitivisht me koronavirus vetëm gjatë ditës së sotme, duke e çuar numrin total të të infektuarve në 5962.
Referuar shifrave, 43 persona janë shëruar plotësisht, ndërsa 89 të tjerë ndodhen në gjendje kritike për jetën.
