Koronavirusi/ Trudeau tregon situatën në Kanada dhe planin për angazhimin forcave ushtarake

Kanadaja nuk po planifikon momentalisht që të përdorë forcat ushtarake për të menaxhuar më mirë parandalimin e përhapjes së koronavirusit. Të 10-të provincat kanë deklaruar gjendje të jashtëzakonshme dhe i kanë urdhëruar njerëzit të qëndrojnë në shtëpi.

Numri i rasteve u rrit në 5.866 ndërsa numri i vdekjeve është 63. Provinca e Quebec,e cila ka 8.5 milion njerëz, po kufizon hyrjen e të huajve dhe po sigurohet që të gjithë qytetarët që po rikthehen nga udhëtimet e tyre, të informohen se duhet të qëndrojnë 14 ditë në karantinë.

Trudeau deri më tani mendon se nuk është nevoja të angazhojë forcat ushtarake:

Kjo situatë po evoluon vazhdimisht dhe ne jemi të përgatitur për të gjitha variantet e saj. Sigurisht, kanadezët e dinë shumë mirë se anëtarët e forcave të armatosura janë gjithmonë të gatshëm të ndihmojnë. Për momentin nuk ka plane për angazhimin e forcave të armatosura.

Burimi: Reuters|Përktheu dhe Përshtati: JOQ Albania