Koronavirusi nuk ka sjellë vetëm probleme shëndetësore, por edhe probleme në ekonomi. Shumë fermerë në Korçë janë duke kaluar ditë të vështira prej Covid-19.
Prodhimet e tyre kanë mbetur pa shitur, por ata kanë lënë edhe punën pasi po qëndrojnë të izoluar në shtëpitë e tyre.
Në fshatin Polenë të Korçës, një fshat i cili jeton kryesisht me bujqësi nuk shikon askënd në toka. Fermerët janë duke qëndruar të gjithë në shtëpi dhe nuk e dinë se si do të shkohë halli i tyre.
Edhe në fermerët në Fier kanë pasur probleme prej Covid-19. Disa prej tyre thonë se janë drejt falimentimit.
Një prej tyre tha edhe se nuk e ka dëgjuar kryeministrin Edi Rama të thotë një fjalë për ta se si do t’u shkojë halli. Ndërkohë vazhdojnë thirrjet për të respektuar higjenën personale dhe distancimin social.
