Mjeku shqiptar nga Kosova bën thirrje: Mos e fshini nëse jeni infektuar me koronavirus

Infektologu shqiptar nga Kosova Valbon Krasniqi u ka bërë një thirrje të gjithë personave që kanë rezultuar pozitiv për Covid-19, që mos ta fshehin nga të tjerët këtë gjë.

Mjeku ka thënë se është i shqetësuar nga ky veprim i shqiptarëve të Kosovës. Më tej ai ka thënë:

Ekziston njëfarë tendence me fsheh, sidomos nëpër lagje se janë të prekur, nuk duhet me ndodh kjo, më mirë është t’ju tregojnë të gjithëve në mënyrë që kenë kujdes e numri me të prekur të jetë më i vogël. Nuk është marre me qenë i infektuar COVID-19.

Po ashtu ai ka treguar se ka pasur raste kur persona të caktuar kanë shkuar në klinikë me simptomat e virusit dhe nuk kanë treguar se kanë pasur kontak me persona të tjerë të infektuar.

Mjeku ka vazhduar:

Ka pasur raste kur kanë ardhë në Klinikë me simptoma të virusit, nuk kanë tregu që kanë pas kontakt me të prekurit ose personat që kanë ardhë nga jashtë deri në momentin që është konstatu që janë pozitiv.

Ky mjek u bën thirrje të gjithëve që të respektohet edhe distanca sociale. Ndërsa thirrjet për të qëndruar në shtëpi dhe për të respektuar higjenën personale vazhdojnë kudo.