Ceremonia Oskar këtë vit erdhi me shumë surpriza, por jo të gjitha kanë të bëjnë me botën e filmit. Teknologjia është një tjetër sektor në të cilën ajo na habiti.
Një reklamë 30-sekondëshe nga Samsung gjatë shfaqjes ishte mjaft surprizuese. Kompania zbuloi prodhimin më të ri të saj; Galaxy Z Flip. Reklama e shkurtër tregon telefonin duke u përdorur dhe asgjë më shumë
Ky telefon i ri duket se do të na çojë mbrapa në kohë me aftësinë e tij për tu përthyer, e cila na kujton telefonat e dikurshëm me kapak.
Në pamje të parë pajisja duket njësoj si çdo smartphone tjetër. Por ai mund të paloset. Kjo alternativë e tij duket se është për të përmirësuar eksperiencën telefonike, sidomos gjtaë thirrjeve me video. Më pas telefoni mund të kthehet në gjendjen e mëprashme sipas nevojës së përdoruesit.
Ende nuk dihet shumë për të. Çmimi, data e nxjerrjes në treg apo aspekete të reja rreth telefonit janë të fshehura. Më shumë pritet të merret vesh sot në eventin që Samsung organizon për informimin e klientëve.
Burimi: IlfattoQuotidiano| Përshtati dhe Përktheu: JOQ ALBANIA
